[美食] 自費去 西西臉小姐冬日之選 荃灣豬油煲仔飯

以家既天氣除左打邊爐之外，煲仔飯都係西西臉小姐我既冬日之選！
講起煲仔飯，妹子喜歡粒粒飯香，豉油要香，飯焦唔多唔少唔硬既~
一直食開油麻地廟街入面幾間，長期排長龍，又凍又餓，實在唔太好受呢~
荃灣一向都多野食，但真係太多，又時都醒唔起要去邊間好
所以一直都諗住去試下新既，最近又係網上睇完煲仔飯推介，就去左一間最近自己屋企既『江湖小棧』去試下啦~妹子覺得質素都唔錯，有興趣同荃灣區既朋友都可以去試一試！


呢本葵花寶典，入面寫住各款名菜！唔好偷左去練武功呀

個陣點解會bookmark底呢間呢？除左地址夠近之外，就係呢到有提供豬油服務
妹子細細個都成日聽媽咪講豬油撈飯好味，不過呢啲野隨著價格，健康問題就越黎越少地方提供啦~

選擇既款式都不錯，最基本既配搭都有，就可惜沒有鱔類呢 L
由於，今次想試埋其他菜式就叫左一個豆鼓鯪魚加潤腸煲仔飯，春菜花甲同砵仔魚腸！
出晒煙，好難影！
大概15-20分鐘就上菜啦，加上豬油+鼓油後可以焗一焗兩分鐘的時間等佢地吸收啲~

登登！！開蓋後，飯色光澤感，我會比一百分啊啊啊，太靚啦！
就算繁忙時間都唔會遜色左，好開心！
飯量方面，兩個人可以食到一碗半的飯，不會太多太少，女生可以選擇Share ，男生朋友的話最好自己一個啦！
味道方面，加上豬油跟鼓油既飯真係好食到停唔到，三兩下就食晒成煲飯！就算係加上豆鼓鯪魚潤腸呢個濃味組合，都唔會好咸或者味道好重
呢一間，我一定要再去食！！
其他菜式既相：

胡椒湯底，冬天一流！


砵仔魚腸，味道不錯！不過略嫌少左啲啲啲魚腸！
地址：荃灣鱟地坊30號

喜歡的記得Subscribe 我的專頁
品牌合作邀請，請電郵到 xxcandice0328xx@gmail.com
-------------------------------
Name : Ms.West (Candice Li) 
Ig : Candiicexx 


免責聲明:
本文章所發表的全部內容均屬個人意見及感受，並不代表該品牌之言論及立場。
如需協助或希望獲得更多有關產品資訊, 請直接聯絡該品牌查詢或尋求相關專業意見

留言

發佈留言

熱門文章